भरतपुर । चितवनको जिल्ला हुलाक कार्यालयले शुभकामना आदानप्रदान तथा पुरस्कार वितरण कार्यक्रम सम्पन्न गरेको छ ।
१५१औं विश्व हुलाक दिवसको अवसर पारेर आज (बिहीवार) हुलाक कार्यालयले उक्त कार्यक्रम गरेको हो ।
- ADVERTISEMENT -
कार्यक्रममा वक्ताहरुले ऐतिहासिक महत्व बोकेको हुलाक सेवालाई समय सापेक्ष सूचना र प्रविधि मैत्री बनाएर लैजानुपर्ने बताए ।
नेपाल पत्रकार महासंघका वरिष्ठ उपाध्यक्ष दिपक आचार्यले हुलाक सेवाले गरेको द्रुत विकासले सूचनाको विकासमा ठूलो सहयोग पुगेको बताए ।
- ADVERTISEMENT -
“अहिलेको आवश्यकता भनेको हुलाकलाई अत्याधुनिक र सुचना प्रविधी मैत्री बनाउनु हो”, उनले भने । हुलाकले अहिले सञ्चार माध्यमहरुमा आई रहेका विज्ञापनको अनुगमन गर्न जरुरी रहेको उल्लेख गर्दै एजेन्ट मार्फत गरिने विज्ञापन निति रोकिनु पर्ने उनको धारणा थियो ।
कार्यक्रममा बोल्दै चितवनका प्रमुख जिल्ला अधिकारी गणेश अर्यालले गौरवशाली ईतिहास बोकेको हुलाक अहिले अस्तित्व स्थापितका लागी सघर्ष गरिरहेको बताए ।
“समय र परिस्थिति अनुसार परिस्कृत हुन नसक्ने हो भने भोलि संकटमा पर्न सक्छ ।”, उनले भने, ”हुलाकले समय सापेक्ष सुधार गरेर अगाडि बढ्न जरुरी छ ।”
कार्यक्रममा बोल्दै जिल्ला हुलाक कार्यलय भरतपुरका प्रमुख हुलाक अधिकृत नरहरी सापकोटाले हुलाकले धेरै अन्तराष्ट्रिय संस्थाहरुसगको सम्वन्धमा साझेदारी गरेर अगाडि वढेको हुदा यो प्रभावकारी रुपमा अगाडि वढेको बताए ।
कार्यक्रममा कोष तथा लेखा नियन्त्रण कार्यालय चितवनका प्रमुख यमनारायण शर्मा, जिल्ला खेलकूद विकास समितिका प्रमुख रामजी ढकाल लगाएतले मन्तब्य ब्यक्त गरे ।
विश्व हुलाक दिवसका अवसरमा सञ्चारकर्मी र निजामति कर्मचारीहरु विच मैत्रीपूर्ण ब्याटमिन्टन प्रतियोगिता, वीपी कोइराला मेमोरियल क्यान्सर अस्पतालमा फलफूल वितरण, तिन दिन सम्म कार्यलयमा द्विप प्रज्वलन लगाएतका कार्यक्रम आयोजना गरिएको थियो ।
समापन कार्यक्रममा प्रतियोगिता विजेता तथा उत्कृष्ट कर्मचारीहरुलाई सम्मान गरिएको थियो ।
