बागमती / हेटौँडा–काठमाडौँ जोड्ने भीमफेदी–कुलेखानी–काठमाण्डौ सडक खण्डअन्तर्गत भीमफेदी गाउँपालिका—६ जुरीखेतस्थित सडकमा आइतबार साँझ भएको सुमो गाडी दुर्घटनामा छ जनाको मृत्यु भएको छ ।
काठमाडौँबाट हेटौडातर्फ आउदै गरेको ना१ज १७७८ नंको सुमो गाडी दुर्घटना हुदाँ घाइते भएका नौ जनामध्ये छ जनाको उपचारका क्रममा मृत्यु भएको जिल्ला प्रहरी कार्यालय मकवानपुरका प्रवक्ता, प्रहरी नायब उपरीक्षक पुष्कर बोगटीले जानकारी दिए ।
- ADVERTISEMENT -
जिल्ला प्रहरी कार्यालय मकवानपुरका अनुसार दुर्घटनाको करिब १२ घण्टापछि मृतक तथा घाइतेहरूको पहिचान खुलेको छ । प्रहरी नायव उपरीक्षक (डिएसपी) पुष्कर बोगटीका अनुसार मृत्यु हुनेमा हेटौंडा उपमहानगरपालिका–४ कमलडाँडाकी ४० वर्षीया सविता लम्साल र हेटौंडा–२ कान्तिराजपथका २९ वर्षीय निखिल अग्रवाल रहेका छन् ।
यस्तै, दुर्घटनामा भारतीय नागरिकहरूको पनि मृत्यु भएको छ । मृत्यु हुनेमा भारत बिहार (पटना) का ४२ वर्षीय रजनिस कुमार र बिहारकै बेगुसराईका ५० वर्षीय अरबिन्द कुमार रहेको प्रहरीले पुष्टि गरेको छ । अन्य दुई जना अन्दाजी ३५ र ४० वर्षका पुरुषको भने अझै सनाखत हुन सकेको छैन ।
- ADVERTISEMENT -
