गैँडाकोट । गैँडाकोट महोत्सवको आकर्षणको रुपमा रहेको जलपरीको उद्घाटन गरिएको छ ।
गैँडाकोट नगरपालिका प्रमुख मदनभक्त अधिकारीले जलपरी राखिएको डोमको शनिवार उद्घाटन गरेका हुन् ।
- ADVERTISEMENT -
नगरप्रमुख अधिकारीले उद्घाटनपछि बोल्दै महोत्सवमा राखिएको जलपरी नौलो भएको बताए ।
जिल्लामा आयोजना गरिने यसप्रकारको महोत्सवले स्थानीय उत्पादनको प्रवद्र्धन र बजारीकरणसँगै आर्थिक क्षेत्रलाई चलायमान बनाउने उनको भनाइ थियो ।
- ADVERTISEMENT -
नारायणी नदी किनारमा सञ्चालित यस महोत्सवले यहाँको धार्मिक तथा पर्यटकीय क्षेत्रको प्रवद्र्धनसँगै स्थानीय उत्पादनलाई बजारसम्म जोड्न महत्वपूर्ण भूमिका खेल्ने आफ्नो विश्वास रहेको उनले भने ।
महोत्सव आउने अधिकांश दर्शकहरु जलपरी तथा फिस टनेलको अवलोकन गर्न पुगेका महोत्सव प्रचार प्रसार उपसमिति संयोजक शालिकराम सापकोटाले बताए ।
सापकोटाकाअनुसार महोत्सवको दोस्रो दिन शनिबार दर्शकहरुको उल्लेख्य सहभागिता रहेको छ ।
यसैबीच, महोत्सवको सांस्कृतिक कार्यक्रममा कलाकार प्रकाश सपूत, सीता राना, गायक तथा प्रस्तोता दीपक खड्का र सन्तोष सुवेदीलगायत स्थानीय तथा ख्यातिप्राप्त राष्ट्रिय कलाकारहरुको सांगीतिक प्रस्तुती राखेका महोत्सवको सांस्कृतिक कार्यक्रम संयोजक किशोर लम्सालले बताए ।
लम्सालकाअनुसार कलाकारहरुले आफ्ना चर्चित गीतमार्फत दर्शकहरुलाई मनोरञ्जन प्रदान गरेका थिए ।
महोत्सवको तेस्रो दिन आइतबार चर्चित गायिका समीक्षा अधिकारीसहितक कालाकारको प्रस्तुती लम्सालले जानकारी दिए ।
उनकाअनुसार अधिकारीसहित अन्य कलाकाहरु सरिता गुरुङ, दीपक खड्का, आरसी पौडेलको प्रस्तुती रहनेछ । त्यस्तै, भोलिदेखि नै भजन प्रतियोगिता समेत सुरु हुने लम्सालले बताए ।
नवलपुरको गैँडाकोट–२ स्थित नारायणी नदी किनारमा सुरु भएको महोत्सव माघ १० गतेसम्म सञ्चालन हुनेछ ।
