आँबुखैरेनीमा एकाबिहानै दुर्घटना, एक जनाको मृत्यु

0
56

तनहुँ / तनहुँको आँबुखैरेनी बजार चोकमा एकाबिहानै भएको मोटरसाईकल दुर्घटनामा एक जनाको मृत्यु भएको छ । मृत्यु हुनेमा मध्यनेपाल नगरपालिका ६ लमजुङका १७ वर्षीया अन्वेषा पौडेल रहेको इलाका प्रहरी कार्यालय आँबुखैरेनीका प्रमुख विकाश थापाले जानकारी दिए ।
पौडेल पोखरामा कक्षा १२ मा अध्ययनरत रहेको र चितवनस्थित आफन्तको घरबाट पोखरा फर्कने क्रममा दुर्घटनामा परेको प्रमुख थापाले बताए । मृतकको शव पोष्र्टमार्टमको लागि दमौली पठाइएको उनले भने । प्रहरीका अनुसार अर्का घाईते हुनेमा युवराज घिमिरे हुन् भने उनको अवस्था सामान्य छ ।
मुग्लिनबाट पोखरातर्फ जाँदै गरेको भारतीय नम्बर प्लेट भएको एनएल ०१ एन २९८६ ग्याँस बुलेटलाई ओभरटेक गर्ने क्रममा गोरखाबाट मुग्लिनतर्फ आउदै गरेको ग ३ च २०८४ नंम्बरको निजी कारसँग ना १९ प ९२४ नंम्बरको मोटरसाईकल ठक्कर खाएको थियो ।