बालबिवाह गरेको आरोपमा दुई जना पक्राउ

0
72

पर्सा / बालबिवाह गरेको आरोपमा पर्सा प्रहरीले बेहुला र उनका बाबुलाई पक्राउ गरी सार्वजनिक गरेको छ । वीरगन्ज महानगरपालिका–१६ लक्ष्मीनारायण टोलकी १७ वर्षकी किशोरीसँग विवाह गरेको आरोपमा शुक्रबार स्थानीय १९ वर्षीय बेहुला र उनका बुबालाई पक्राउ गरी आज सार्वजनिक गरेको प्रहरीले जनाएको छ ।
लक्ष्मीनारायण टोलमा विवाह भइरहेको सूचनाको आधारमा किशोरीको घरमा पुगी सोधपुछ गर्दा नेपाल सरकारले निर्धारण गरेको उम्मेरभन्दा कम उमेरकी किशोरीको विवाह भएको पाइएपछि निजहरुलाई पक्राउ गरेको जिल्ला प्रहरी कार्यालय पर्साले जनाएको छ ।
पक्राउ परेका उनीहरुमाथि बालविवाहसम्बन्धी कसुर मुद्दामा थप अनुसन्धान गरिरहेको जनाएको छ ।
प्रहरीका अनुसार, मुद्दा अनुसन्धानकै क्रममा रहेकाले पक्राउ परेका बाबु, छोराको नाम सार्वजनिक नगरिएको हो ।