डढेलोमा परेर एक वृद्धाको मृत्यु

0
22

मकवानपुर / मकवानपुरको भीमफेदी गाउँपालिकामा गएराति डढेलो घरमा सल्किँदा एक वृद्धाको मृत्यु भएको छ ।
मृत्यु हुनेमा भीमफेदी गाउँपालिका वडा नम्बर ३ बस्ने ६९ वर्षीय हस्तमाया सिन्तान रहेको जिल्ला प्रहरी कार्यालय मकवानपुरका प्रहरी निरीक्षक जयश्वर रिमालले जानकारी दिए ।
उनका अनुसार, स्थानीय पारीपाखाको जङ्गलमा लागेको डढेलोले घरमा आगो लाग्दा सिन्तानको मृत्यु भएको हो ।
प्रितिबहादुर सिन्तानको घर र गोठमा डढेलोका कारण आगलागी हुँदा निजका श्रीमती हस्तमायाको मृत्यु भएको हो ।
साथै उक्त आगलागीमा परेर उनको गोठमा रहेका १० खसीबाख्रा, अन्नपात र लत्ताकपडासमेत जलेर नष्ट भएको प्रहरीले जनाएको छ ।
घटनाको विषयमा आवश्यक अनुसन्धान भइरहेको जनाएको छ ।