‘चुच्चे नक्सा खोइ ?’

0
94
Photo : tukhabar

काठमाडौं / नेपाली काँग्रेसकी नेतृ एवं प्रतिनिधिसभा सदस्य पुष्पा भुसाल गौतमले सरकारसँग चुच्चे नक्साबारे प्रस्ट पार्न माग गरेकी छन् ।
प्रतिनिधिसभाको सोमबार बसेको बैठकको विशेष समयमा बोल्दै नेतृ भुसालले सो माग गरेकी हुन् । उनले राष्ट्रियता देखाउने र चुच्चे नक्सा हराउने अचम्मको भूमिकामा सरकार देखिएको बताइन् ।
राष्ट्रपतिले विभूषणका रुपमा प्रदान गरेको पदकमा चुच्चे नक्सा नभएर बुच्चे नक्सा राखिएको भन्दै उनले आपत्ति प्रकट गरिन् ।
यही सदनले सर्वसम्मत रुपमा पारित गरेको नक्सा, संसदले सरकारलाई कार्यान्वयनमा ल्याउन निर्देशन पनि दिएको नक्साको साटो सरकारले विभूषणमा पुरानै नक्सा प्रयोग गरेको भन्दै उनले यसबारे सरकारले सदनलाई जानकारी दिनुपर्ने बताइन् ।
‘सरकारले गम्भीर भुल गरेको छ । त्यसको नैतिक जिम्मेवारी प्रधानमन्त्रीले लिने कि नलिने ?’ उनले प्रश्न गरिन् ।