नवलपुरमा १ लाख ८१ हजारसहित पाँच जुवाडे पक्राउ

0
23

नवलपुर / पूर्वी नवलपरासीमा जुवा खेल्दै गरेको अवस्थामा पाँच जना पक्राउ गरेको छ । देवचुली नगरपालिका वडा नं. १४ साहाराचोकमा जुवा खेलेका उनीहरुलाई नवलपुर प्रहरीले पक्राउ गरेको हो ।
नवलपुरका प्रहरी नायव उपरिक्षक दिलीपकुमार गिरीका अनुसार पक्राउ पर्नेमा सोही स्थानका सुरेन्द्र श्रेष्ठको घरमा जुवा खेल्दै गरेको अवस्थामा श्रेष्ठ सहित स्थानीय खोमलाल रिजाल, युवराज न्यौपाने, ओमप्रसाद पौडेल र कृष्ण बहादुर थापा पक्राउ परेको हो ।
उनीहरुको साथबाट एकलाख एकासी हजार सात सय पाँच रुपैँया बरामद भएको नवलपुर प्रहरीले जनाएको छ । पक्राउ परेका उनीहरुलाई मुलुकी अपराध संहिता २०७४ को परिच्छेद ५ को दफा १२५ बमोजिम कार्यवाही अघि बढाइएको उनले बताए ।