विजयी टिमहरु क्वाटर फाइनलमा

0
248

भरतपुर । भरतपुर १२ मा अवस्थित ग्रीनल्याण्ड पब्लिक स्कुलले रजत वर्ष अन्तर्गत जिल्लास्तरीय अन्तर विद्यालय फुटसल प्रतियोगिताको पहिलो चरणको खेलहरु सम्पन्न गरेको छ । पहिलो चरणको ८ खेलहरु आइतबार सम्पन्न भएको हो ।
प्रतियोगिताको उद्घाटन खेलमा आयोजक ग्रीनल्याण्ड पब्लिक स्कुलले अरोमा स्कुललाई ४–१ ले हराएको छ । सोमबारकै दोस्रो खेलमा बाल्मिकी शिक्षा सदनले लिटल फ्लावर स्कुललाई ३–१ ले पराजित गरेको छ । त्यसैगरी तेस्रो खेलमा डन एकेडेमीले प्रेरणा बोर्डिङलाई सडन डेथमा पराजित ग¥यो । निर्धारित समयमा २–२ को बराबरी भएपछि खेल ट्राई ब्रेकरमा पुगेको थियो ।
त्यस्तै अन्य खेलहरुमा नारायणी पब्लिक स्कुलले ज्ञान दर्शन स्कुललाई ८–० को फराकिलो अन्तरले पराजित गरेको थियो । अर्किड स्कुलले ओम शान्ति एकेडेमीलाई पेनाल्टीमा ३–२ र स्टेप बाई स्टेपले जनप्रिय स्कुललाई ३–१ हराएको थियो । यस्तै डेजी स्कुलले गुरुकुललाई ४–२ र होली भिजनले बालकुमारी मा.विलाई ३–० ले पराजित गरेको थियो ।
जितसँगै विजयी टिमहरु क्वाटरफाइनलमा प्रवेश गरेका छन् । क्वाटरफाइनलका खेलहरु मंगलबार हुने र बिजेताले शिल्ड मेडल र प्रमाण पत्र प्राप्त गर्नेछ भने प्रतियोगिताभरको उत्कृष्ट खेलाडीले पुरस्कार प्राप्त गर्ने आयोजकले जनाएको छ ।
फुटसल प्रतियोगिताको चितवन फुटबल संघका अध्यक्ष श्री कृष्ण कार्कीले उद्घाटन गरेका थिए । बिहीबारबाट शुरु भएको रजत वर्षको कार्यक्रमहरु दश दिनसम्म संचालन हुने स्कुलकी प्राचार्य इन्दिरा कार्कीले बताइन् ।