‘ओली सरकारले संसद विघटन गरेर ठूलो गल्ती गरे’ – सहमहामन्त्री डा. महत

चितवन / नेपाली कांग्रेसका सहमहामन्त्री डा. प्रकाशशरण महतले मिहेनत गरेर ल्याएको उपलब्धि फेरि उल्टोबाटो हिड्ने हो कि भन्ने चिन्ता बढेको बताउनुभयो । नेपाल प्रेस युनियन चितवन शाखाले भरतपुर–११ जखडीमाइमा आयोजना गरेको बनभोज तथा अन्तरक्रिया कार्यक्रममा उहाले ओली सरकारले गरेको संसद विघटनको निर्णय सर्वोच्चले सदर गरेमा तोकिएकै समयमा निर्वाचन हुनुपर्ने बताउनुभयो ।
कम्युनिस्टले हिजो गफ विकाएपनि अब गफ नबिक्ने बताउनुभयो । संसद पुनःस्थापना भएपनि स्वीकार्य भएको बताउनुभयो । उहाँले ओली सरकारले संसद विघटन गरेर ठूलो गल्ती गरेको आरोप लगाउनुभयो । संसद विघटनबारेको मुद्दाको छिटो छिनोफानो हुनुपर्ने बताउनुभयो ।
नेपाल प्रेस युनियनका केन्द्रीय अध्यक्ष बद्री सिग्देलले पत्रकार महासंघको यसपालिको नेतृत्व प्रेस युनियनले नै लिने दावी गर्नुभयो । नेपाल प्रेस युनियन चितवनले आज आयोजना गरेको अन्तरक्रिया कार्यक्रममा बोल्दै सिग्देलले प्रेस युनियन पत्रकारको पक्षमा सक्रिय भएर वकालत गर्ने संस्था भएकाले प्रेस युनियनले आगामी चुनाव जित्ने दाबी गर्नुणयो ।
पत्रकार महासंघका केन्द्रीय महासचिव रमेश विष्टले संविधानमाथिको आक्रमण रोक्न पत्रकारले खबरदारी गर्नुपर्ने बताउनुभयो । संविधान माथि भएका कुनैपनि आक्रमण सह्य नहुने बताउनुभयो । यो संविधानले प्रेस स्वतन्त्रता सुनिश्चित गरेकाले संविधानका कुनै पनि दफामाथिको हस्तक्षेप हुन नदिइने बताउनुभयो ।