गण्डकी प्रदेश : नीति तथा कार्यक्रम बहुमतले पारित

कास्की / गण्डकी सरकारले संसदमा पेश गरेको नीति तथा कार्यक्रम बहुमतले पास भएको छ । सोमबारको संसद बैठकबाट सरकारको आगामी आर्थिक वर्ष २०७९÷०८० को लागि नीति तथा कार्यक्रम पास भएको हो ।
गत जेठ २४ गते प्रदेश प्रमुख पृथ्वीमान गुरुङले नीति तथा कार्यक्रम प्रदेशसभामा पेश गरेका थिए । त्यसपछि दफावार छलफल गरेर सोमबार पास गरिएको हो । योसँगै सरकारलाई बजेट ल्याउने बाटो खुलेको छ ।
प्रदेश सरकारले असार १ गते आगामी आवको लागि बजेट प्रस्तुत गर्ने कार्यसूची छ । सरकारले आगामी आवको लागि ३६ देखि ३८ अर्ब रुपैयाँ बराबरीको बजेट ल्याउने तयारी गरेको छ ।