June 14, 2024

निषेधाज्ञामा चोरी, ४ वटा डिएस बक्ससहित दुई पक्राउ

May 18, 2021
तस्विर : जिल्ला प्रहरी कार्यालय चितवन ।

चितवन / निषेधाज्ञाको समयमा डिएस बक्स (इन्टरनेट सप्लाई गर्ने) चोरी गर्ने २ जना पक्राउ परेका छन् । पक्राउ पर्नेमा माडी नगरपालिका वडा नं. २ बस्ने वर्ष २० को काशी चौधरी र सोही स्थान बस्ने वर्ष २२ को श्रीकृष्ण महतो रहेको जिल्ला प्रहरी कार्यालय चितवनका प्रहरी प्रवक्ता सरोज गिरीले जानकारी दिए ।
प्रवक्ता गिरीका अनुसार भरतपुर–१६ नवीनचोक र सोही वडा गाविसचोक बिजुलीको पोलमा जडित प्राइम नेटवर्क प्रा.लि.को रु. आठ हजार आठ सय पर्ने ४ वटा डिएस बक्स चोरी गरेका हुन् । चोरी बैशाख ३१ गते राति १० बजे भएको हो ।
भरतपुर–७ बुद्धचोकस्थित रामकुमार चौधरीको घरमा डेरा गरी बसेका उनीहरुलाई आइतबार प्रहरीले नियन्त्रणमा लिइएको हो । डेरामा लुकाइछिपाइ राखेको अवस्थामा उक्त डिएस बक्स बरामद गरिएको हो ।
पक्राउ परेका दुबै जनालाई चितवन जिल्ला अदालतबाट म्याद थप गरी अनुसन्धान भइरहेको प्रवक्ता गिरीले बताए । निजहरु यसअघि पनि चोरीमा संलग्न रहेको प्रारम्भिक अनुसन्धानबाट खुलेको उनले भने ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -