चितवनमा ११४ संक्रमणमुक्त, थप १८९ जना संक्रमित

चितवन / चितवनमा पछिल्लो २४ घण्टामा ११४ जना संक्रमणमुक्त भएका छन् । आज (सोमबार) ११४ जना संक्रमणमुक्त भएको स्वास्थ्य कार्यालय चितवनको तथ्यांकले जनाएको हो ।
यस्तै स्वास्थ्य कार्यालय चितवनका अनुसार सोही अवधिमा १८९ जना नयाँ संक्रमित थपिएका छन् । भरतपुर महानगरपालिकामा ९६, खैरहनीमा २८, माडीमा ८, रत्ननगरमा ३०, राप्तीमा १७, कालिकामा ८ र इच्छाकामनामा २ संक्रमित भएको स्वास्थ्य कार्यालयले पुष्टि गरेको छ ।
त्यसै आजै भरतपुर अस्पतालमा उपचाररत नवलपरासीका एक जना कोरोना संक्रमितको मृत्यु भएको छ ।
जिल्लामा अझै पनि एक हजार ९०३ जना सक्रिय संक्रमित रहेको तीमध्ये १०९ जना अस्पतालको आइसोलेसन केन्द्रमा छन् । एक हजार ७८७ जना होम आइसोलेसनमा र बाँकी ७ जना स्थानीय तहको आइसोलेसन केन्द्रमा स्वास्थ्य लाभ गरिरहेका स्वास्थ्य कार्यालय चितवनकी जनस्वास्थ्य अधिकृत गीताञ्जली ढकालले बताइन् ।
जिल्लामा कूल संक्रमितको संख्या भने १९ हजार ५२९ पुगेको छ। तीमध्ये १७ हजार ३०५ जना संक्रमणमुक्त भएका छन्।