April 13, 2024

देवघाटधामको टाउन चोकदेखि वेणी संगमसम्म सरसफाइ

August 8, 2021

देवघाट / तनहुँको देवघाट इलाका प्रहरी कार्यालयको आयोजनामा आज आइतबार समुदाय प्रहरी साझेदारी कार्यक्रम अन्तरगत देवघाट गाउँपालिका वडा नम्बर ५ भित्र पर्ने नेपालकै एक पवित्रधाम देवघाटको टाउनचोकदेखि विभिन्न सार्वजनिक स्थानहरु देवघाटधाम वरपर, वेणी संगम र नदीको किनार वरिपरि सरसफाइ कार्यक्रम सम्पन्न गरेको छ ।
उक्त सरसफाइ कार्यक्रममा देवघाट वडा नम्बर ५ का अध्यक्ष यालबहादुर गुरुङले नेपालकै एक पर्यटकीय नगरीभित्र रहेको देवघाटधामको सुन्दर महिमालाई संरक्षण गर्ने दायित्व हामी सबैको रहेको बताए । विश्व महामारीको रुपमा फैलिएको (कोविड–१९) कोरोना भाइरसको कारण पर्यटकीय नगरी देवघाटधाममा आउने पर्यटकहरु संख्या अहिले शुन्य नै भएको उनको भनाइ थियो ।
देवघाट इलाका प्रहरी कार्यालयका इन्चार्ज सुशील लामिछानेले समुदाय प्रहरी साझेदारी कार्यक्रम अन्तरगत भएको सरसफाइ कार्यक्रम हरेक समुदायले अगाडि बढाउनुपर्ने बताए । आगामी दिनहरूमा पनि समुदायसँग समन्वय गरी अघि बढ्ने उनले भने ।
कार्यक्रममा देवघाट समुदाय प्रहरी साझेदारीका अध्यक्ष होमबहादुर भाराति, देवघाट गाउँपालिका स्वास्थ्य कर्मचारी बिष्णु कमलि, चक्रबति टोल विकास संस्थाका अध्यक्ष अनिल मिश्र, देवघाट लियो क्लब अफ चौतारीका अध्यक्ष आत्माराम पाण्डे र समाजसेवी व्यक्ति रामहरि पुडासैनी लगायतको उपस्थिति थियो ।

- ADVERTISEMENT -