चितवनको सप्तगण्डकी क्याम्पसका प्रमुखको कुर्सीमा आगजनी

चितवन / सप्तगण्डकी बहुमुखी क्याम्पस भरतपुरमा क्याम्पस प्रमुखको कुर्सीमा आगजनी गरिएको छ । अखिल नेपाल राष्ट्रिय स्वतन्त्र विद्यार्थी युनियन क्रान्तिकारीका विद्यार्थीहरुले उक्त आगजनी गरेका हुन् ।
क्रान्तिकारीका विद्यार्थीहरुले प्राध्यापक माथि भएको दुव्र्यवहारको विरोधमा क्याम्पस प्रमुखको कुर्सीमा आगजनी गर्नुका साथै प्रदर्शन समेत गरेका हुन् । उनीहरुले प्राध्यापक माथि आक्रमण हुँदासमेत क्याम्पस प्रमुख मौन रहेको भन्दै आक्रोशित बनेका हुन् ।
उनीहरुले कार्यकक्षबाट कुर्सी बाहिर ल्याई आगजनी गरेका हुन् भने क्याम्पस प्रमुख मणिराज महतोको तत्काल राजीनामा माग गरेका छन् । अखिल नेपाल राष्ट्रिय स्वतन्त्र विद्यार्थी युनियन क्रान्तिकारीका संयोजक प्रकाश देवकोटाले दोषीलाई कडा कारबाहीको माग गरेका छन् ।
युवा संघका केन्द्रीय सदस्य अस्मिन घिमिरेले क्याम्पसका विज्ञान विषयका प्राध्यापक श्रीराजु उपाध्याय, शिक्षिकाहरु लक्ष्मी पोखरेल, गंगा भट्टराईमाथि हातपात एवं दुव्र्यवहार गरेको आरोप लगाउँदै आएका छन् ।