चितवनमा श्रीमतीको अचानो प्रहारबाट आफ्नै श्रीमानको मृत्यु

चितवन / श्रीमतीको अचानो प्रहारबाट श्रीमानको मृत्यु भएको छ । चितवनको भरतपुर महानगरपालिका वडा नम्बर २१ पार्वतीपुरमा ५६ बर्षीय टिकाराम बिकको अचानो प्रहारबाट मृत्यु भएको जिल्ला प्रहरी कार्यालय चितवनले जनाएको छ ।
प्रहरीका अनुसार उनलाई मंगलबार अपरान्ह ४ बजे प्रहरीले मृत अवस्थामा फेला पारेको थियो । प्रारम्भिक अनुसन्धान अनुसार सोमबार बिहान अन्दाजी १०ः०० बजेको समयमा श्रीमान श्रीमती बिच झगडा हुँदा ५४ बर्षीय बिनमाया बि.क. ले घरमै रहेको अचानोले टाउकोमा हान्दा उक्त भएको हो ।
प्रहरीले मृतक बिकलाई आफ्नै घरको कोठामा भित्रबाट चुकुल लगाई ओच्छ्यानमा लडिरहेको अवस्थामा भेटिएको थियो । प्रहरीले चुकुल फुटाएर हेर्दा बि.क. खुट्टाले भुईमा टेकी टाउको र जीउको भाग खाटमा घोप्टो अवस्थामा रहेको र तालुको भागमा काटेको चोट रही उक्त काटेको चोटबाट अत्यधिक रक्तश्राव भई सिरानीमा जमेको अवस्थामा फेला पारेको थियो ।