छात्रामाथि यौन दुर्व्यवहार गरेको आरोपमा शिक्षक पक्राउ

वीरगञ्ज / छात्रामाथि यौन दुर्व्यवहार गरेको आरोपमा एक शिक्षक पक्राउ परेका छन् । पक्राउ पर्नेमा विन्दवासिनी गाउँपालिका वडा नम्वर ५ का घर भई वीरगञ्ज बस्दै आएका ताज मिया रहेका छन् ।
वीरगञ्ज–११ श्रीपुरस्थित अल्पाइन स्कूलमा उनले नेपाली विषय पढाउँदै आएका थिए । पढाउने बहानामा संवेदनशील अंगमा छुने, चुम्बन गर्ने गरेको आरोप उनीमाथि लागेको छ ।
एक छात्राका अभिभावकले दिएको उजुरीको आधारमा मियाँलाई पक्राउ गरिएको जिल्ला प्रहरी कार्यालय पर्साले जनाएको छ । मियाविरुद्ध पर्सा जिल्ला अदालतमा बाल यौन दुरुपयोगको मुद्धा दर्ता गरी अनुसन्धानका लागि म्याद लिइएको जनाइएको छ ।