लागुऔषधसहित दुई भारतीय पक्राउ

चितवन / लागुऔषधसहित दुई जनालाई चितवन प्रहरीले पक्राउ गरेको छ । पूर्वी चितवनको राप्ती नगरपालिका–१ लोथरस्थित पूर्व–पश्चिम राजमार्गबाट लागुऔषधसहित उनीहरुलाई पक्राउ गरिएको जिल्ला प्रहरी कार्यालय चितवनले जनाएको छ ।
प्रहरीका अनुसार पक्राउ पर्नेमा भारतको बाडा परेउवा–१ का २८ वर्षीय राहुल शर्मा र २९ वर्षीय अजित कुमार साह रहेका छन् ।
विशेष सूचनाको आधारमा मकवानपुरबाट चितवनतर्फ आउँदै गरेको ना ५७ प २४६४ नम्बरको मोटरसाईकल चेकजाँच गर्दा चितवन प्रहरी प्रवक्ता विजयराज पण्डितले जानकारी दिए । उनीहरुको साथबाट लागुऔषध डाईजेपाम ५४८ एमपुल, फेनारगन ५५० एमपुल र नोफिन ५५० एमपुल बरामद गरिएको छ ।
निजहरुलाई चितवन जिल्ला अदालतबाट म्याद लिएर थप अनुसन्धान गर्ने कार्य भइरहेको प्रवक्ता पण्डितले बताए ।