देशभर चिसो बढ्यो, सतर्कता अपनाउन मौसम विभागको आग्रह

काठमाडौं / देशभर चिसो बढेसँगै जनजीवन प्रभावित भएको छ । पुस महिना सुरु भएदेखि चिसो बढेसँगैँ जल तथा मौसम विज्ञान विभागले चिसोबाट बच्न आवश्यक सुरक्षा एवम् सतर्कता अपनाउन सबैलाई आग्रह गरेको छ ।
देशका केही भू–भागमा बिहानीपख हुस्सु–कुहिरो लाग्ने तथा देशका अधिकांश भू–भागमा तापक्रम क्रमिक रूपमा घट्दै जाने सम्भावना रहेको हुनाले चिसोबाट बच्न आवश्यक सावधानी अपनाउन सबैमा अनुरोध गरिएको हो ।
विभागले अबको केही दिन बिहानको समयमा देशका धेरै स्थानमा हुस्सु, कुहिरो लाग्ने तथा मध्यान्हसम्ममा क्रमिक रुपमा सुधार हुँदै जाने सम्भावना रहेको जनाएको छ ।