नक्कली नोटसहित एक भारतीय पक्राउ

महोत्तरी / नक्कली नोटसहित महोत्तरीमा एक जना पक्राउ परेको छ । ११ हजारका नक्कली नोटसहित भारतीय नागरिक रमन कुमारलाई पक्राउ गरेको जिल्ला प्रहरी कार्यालय महोत्तरीले जनाएको छ ।
प्ररहीका अनुसार, जलेश्वर नगरपालिका ३ स्थित मालिबाडाको घुम्ती पसलमा नेपाली पैसा साटन खोज्दा स्थानीयहरुले नक्कली नोट भएको थाहा पाएपछि बिहीबार विहारको ग्राम पञ्चायत बस्ने नियन्त्रणमा लिएका थिए ।
भिठ्ठामोड प्रहरी चौकीवाट खटिएको प्रहरीले निजलाई पक्राउ गरी प्रहरी हिरासतमा राखेर थप अनुसन्धान भैइरहेको जनाइएको छ ।