काठमाडौं । नेपाल-चीन सीमावर्ती क्षेत्रमा आज (बुधवार) बिहान भूकम्पको धक्का महसुस गरिएको छ । बिहान ४:०५ बजे गएको भूकम्पले नेपालको उत्तरी भूभागमा कम्पन ल्याएको हो ।
काठमाडौंस्थित राष्ट्रिय भूकम्प मापन तथा अनुसन्धान केन्द्रका अनुसार भूकम्पको केन्द्रविन्दु चीनको सिगात्से क्षेत्र अन्तर्गत दिङ्गी काउन्टीमा रहेको थियो । भूकम्पको म्याग्निच्युड ५.० मापन गरिएको छ । केन्द्रविन्दु नेपाली सीमा क्षेत्रबाट करिब १८ किलोमिटरको दूरीमा रहेको थियो ।
- ADVERTISEMENT -
सिगात्से क्षेत्र, विशेष गरी दिङ्गी काउन्टी, विगत केही महिनायता भूकम्पीय गतिविधिले प्रभावित हुँदै आएको छ । पुस २३ गते ७.० म्याग्निच्युडको ठूलो भूकम्प र फागुन २४ गते ५.९ म्याग्निच्युडको अर्को भूकम्प यहीं गएको थियो । ती भूकम्प र त्यसपछिका परकम्पहरूले जनधनको क्षति पनि पु-याएको थियो ।
