काठमाडौं / सर्वोच्च अदालतले राष्ट्रिय स्वतन्त्र पार्टी (रास्वपा)का सभापति एवं पूर्वगृहमन्त्री रवि लामिछानेलाई थुनामुक्त नगर्न आदेश दिएको छ । सर्वोच्च अदालतले थुनामा पठाउने उच्च अदालत बुटवल इजलासको आदेशलाई नै सदर गरेको हो ।
शुक्रबार न्यायाधीशद्वय नहकुल सुवेदी र बालकृष्ण ढकालको इजलासले सभापति लामिछानेलाई थुनामै पठाउन आदेश दिएको हो । सर्वोच्च अदालतको यो आदेशपछि जिल्ला अदालत रुपन्देहीबाट सुप्रिम सहकारी ठगीको मुद्दा नटुंगिदासम्म रवि थुनामा हुनेछन् ।
- ADVERTISEMENT -
पटक पटक हेर्न नमिल्नेमा परेको लामिछानेको बन्दी प्रत्यक्षीकरणको निवेदनको सुनुवाइ मंगलबारदेखि सुरु भएको थियो भने बुधबार संवैधानिक इजलास बसेका कारण प्रभावित भएको थियो ।
बिहिबार न्यायाधीशद्वय डा। नहकुल सुवेदी र बालकृष्ण ढकालको संयुक्त इजलासले उक्त रिटमाथिको सुनुवाइलाई निरन्तरता दिएका थिए । तर, हिजो पनि समय अभावका कारण रिट निवेदन हेर्दाहेर्दैमा राखिएको थियो ।
आज शुक्रबार बन्दी प्रत्यक्षीकरणको निवेदनको सुनुवाइ गर्दै सभापति लामिछानेलाई थुनामुक्त नगर्न आदेश दिइएको हो ।
