– बबिलाल तामाङ
भरतपुर । चितवनका आदिवासी जनजातिलाई लक्षित गरी स्वतन्त्र, अग्रिम जानकारीसहितको मन्जुरी (एफ्पिक) सम्बन्धी अभिमुखीकरण कार्यक्रम गरिएको छ ।
आदिवासी जनजाति विकासका लागि राष्ट्रिय प्रतिष्ठान (एनएफडीन) तथा डब्लुडब्लुएफ नेपालको सहयोगमा मंगलबार भरतपुरको भरतपुर गार्डेन रिसोर्टमा एफ्पिकसम्बन्धी अभिमुखीकरण कार्यक्रम सम्पन्न भएको हो ।
- ADVERTISEMENT -
कार्यक्रममा एनएफडीनका प्रशिक्षक खिम घलेले एफ्पिकको कानुनी प्रक्रिया, सन्दर्भ र उपकरणहरुलगायतका विषयमा प्रशिक्षण दिए । चितवन राष्ट्रिय निकुञ्ज प्रमुख गणेश पन्तले सामुदायिक वन तथा निकुञ्जका जोखिमबारे प्रष्ट पारेका थिए ।
नेपाल आदिवासी जनजाति महासंघ (नेफिन) चितवनका अध्यक्ष सागर कुमालले (एफ्पिक) सम्बन्धी अभिमुखीकरण कार्यक्रमको प्रशंसा गर्दै आगामी दिनमा अझ बढी आदिवासी जनजातिलाई समेट्दै वृहत रुपमा लैजानुपर्ने सुझाव दिए ।
- ADVERTISEMENT -
कार्यक्रममा नेपाल आदिवासी जनजाति महासंघ (नेफिन) का उपाध्यक्ष चन्द्रलाल राजभण्डारी, विश्वव्यापी कोष र प्रकृति नेपाल (डब्लुडब्लुएफ) का डा घना एस गुरुङलगायतले मन्तव्य दिएका थिए ।
प्रशिक्षणमा सहभागीहरुलाई चार समूह विभाजन गरिएको थियो भने समूह कार्य र प्रस्तुति समेत गराइएको थियो ।
एनएफडीनका उपाध्यक्ष रेशम गुरुको अध्यक्षतामा कार्यक्रम सम्पन्न भएको हो भने सञ्चालन सुचित्रा रानाले गरेका थिए ।
कार्यक्रममा तामाङ, गुरुङ, मगर, नेवार, राई, दराई, बोटेलगायत तीस जना बढीको सहभागिता रहेको थियो । सहभागीहरुले कार्यक्रमलाई सकारात्मक रुपमा लिँदै समाज रुपान्तरणमा सहयोग पुग्ने विश्वास व्यक्त गरे ।
