दुईसय सुनचाँदी कालीगढलाई राहत वितरण

नारायणगढ, चितवन । सुनचांँदी व्यवसायी संघ, चितवनले राहत वितरण गरेका छन । लकडाउन समय लम्बिदै जांँदा गरगहना बनाउने दुईसय कालीगढलाई दैनिक जीवन नै कष्टकर बन्दै गएकोले एक महिनालाई पुग्ने राहत वितरण गरेका छन् ।
लकडाउनका कारण समस्या भएकाले कालीगढ र उनीहरुको परिवारलाई राहत पुगोस् भन्ने उद्देश्यले राहत वितरण गरिएको सुनचांँदी व्यवसायी महासंघका उपाध्यक्ष विपिन रामुदामुले बताए ।
‘व्यवसाय नै मर्कामा परेको बेला सामाजिक दायित्व पूरा गर्ने र व्यवसायिक धर्म निभाउने उद्देश्यले कालीगढलाई राहत वितरण गरिएको सुनचांँदी व्यवसायी संघ, चितवनका अध्यक्ष एवं राहत वितरण संयोजक टेकबहादुर विश्वकर्माले बताए । अहिले हामी व्यवसायी सबै मर्कामा भएपनि यस्तो अवस्थामा हामीले व्यवसायिक धर्मलाई निरन्तरता दिएको उनको भनाइ छ ।
खाना खुवाइने अभियान सुनचांँदी सम्बद्ध चारवटा संस्थाको समन्वयमा भएपनि राहत वितरण भने सुनचांँदी व्यवसायी संघले गरेको संघका कोषाध्यक्ष निलेमान शाक्यले जानकारी दिए ।