फलफूल संघद्वारा ६५ घर परिवारलाई राहत

भरतपुर । फलफूल तथा तरकारी थोक व्यवसायी संघ भरतपुर २, चितवनले आइतबार राहत वितरण गरेको छ । विश्वव्यापी रुपमा फैलिरहेको कोरोना भाइरस नियन्त्रणको लागि सरकारले गरेको लकडाउनबाट प्रभावित भएका महानगर फलफूलभित्र तरकारी बजारमा कार्यरत मजदुरलाई राहत वितरण गरिएको हो ।
संघका अध्यक्ष मदनप्रसादप्रसाद सापकोटाले लकडाउन भएपछि ज्याला मजदुरी गरेर परिवार पाल्दै आएका परिवारलाई समस्या परेको जानकारी पाएपछि संघले विवरण संकलन गरेर वास्तविक अभावमा परेकालाई राहत उपलब्ध गराइएको बताए ।
उनका अनुसार उक्त महानगर बजार क्षेत्रमा कार्यरत ६५ जना मजदुरको परिवारलाई प्रति परिवार रु हजार बराबरको खाद्यान्न सहयोग गरिएको हो ।
भरतपुर महानगरपालिका वडा नं. २ का अध्यक्ष पूर्णबहादुर श्रेष्ठ, उद्योग वाणिज्य संघ चितवका अध्यक्ष राजु श्रेष्ठ, स्थानीय ६ वटा टोलका संयोजक जयराम खत्री, पूर्वअध्यक्ष शालिकराम घिमिरे, निवर्तमान अध्यक्ष थिरप्रसाद धिताललगायतको उपस्थितिमा भएको कार्यक्रममा चामल, दाल, नुन र तेललगायत दैनिक उपभोग्य सामग्री वितरण गरिएको थियो ।