लायन्सचोकमा निःशुल्क मास्क वितरण

चितवन । मास्क नलगाई हिडडुल गरेका र सवारी साधन चलाएकाहरुलाई रोकेर मास्क बितरण गरिएको छ । रोटरी क्लव अफ नारायणी मिट टाउन र रोट्रयाक्ट क्लब अफ नारायणी मिट टाउनको संयुक्त आयोजनामा नारायणगढको लायन्सचोकमा मास्क बितरण कार्यक्रम गरिएको छ ।
कोरोना भाईरसले महामारीको रुप लिएर फैलिरहेको अवस्थामा मानिसहरुले मास्क नलगाई हेलचक्रयाई गरेर हिडेको देखेपछि जनचेतनाको लागि मास्क बितरण गरिएको रोट्रयाक्ट क्लब अफ नारायणी मिट टाउनका उपाध्यक्ष विनोद श्रेष्ठले जानकारी दिनुभयो ।
जिल्ला ट्राफिक कार्यलय र जिल्ला प्रहरी कार्यलयको समन्वयमा भएको सो कार्यक्रममा ७५० थान एन ९५ मास्क वितरण गरिएको हो । आज भएको मास्क बितरण कार्यक्रममा रोयल पेन्ट्सका प्रमुख प्रमेश्वर भण्डारीले मास्क सहयोग गर्नुभएको थियो ।
कार्यक्रममा रोटरी क्लव अफ नारायणी मिट टाउनका अध्यक्ष यामनाथ दनै , रोट्याक्ट क्लब अफ नारायणी मिट टाउनका अध्यक्ष तेज बहादुर रानाभाट लगायत सम्पूर्ण रोटरीयनहरु र रोट्याक्टहरुको उपस्थिति रहेको थियो ।