असोज ७ गतेसम्म निषेधाज्ञा : अत्यावश्यक बाहेक पसल १० देखि ५ खोल्न पाउने

Babi Lal Tamang

September 16, 2020

साधन जोर विजोर चल्ने
चितवन / जिल्ला प्रशासन कार्यालय चितवनले असोज ७ गतेसम्म निषेधाज्ञा थप गरेको छ । असोज ७ गतेसम्म थप गरिएको निषेधाज्ञामा केही परिमार्जित गरी जारी नयाँ आदेश गरिएको प्रशासनले जनाएको छ ।
भोलीदेखि निजी सवारी साधन र यात्रुवाहक सवारीसाधन जिल्लाभित्र जोर विजोेर प्रणालीमा संचालन गर्न दिने आदेशमा उल्लेख छ ।
अति आवश्यक पसल बिहान ६ बजेदेखि साझ ५ बजेसम्म र अन्य पसललाई विहान १० बजेदेखि ५ बजेसम्म खोल्न मिल्नेगरी आदेशमा उल्लेख गरिएको छ । धार्मिक, सांस्कृतिक कार्यक्रम गर्न, बिहे, ब्रतबन्ध जस्ता सामाजिक काम गर्न र अन्य भेला जमघट हुनलाई केही समय रोक लगाएको प्रशासनले जनाएको छ ।
प्रशासनले यसअघि भदौ ३१ गते राती १२ बजेसम्मको लागि केही खुकुलो बनाई निषेधाज्ञा लगाएको थियो । चितवन जिल्लामा साउन ३२ गतेबाट निषेधाज्ञा लगाइएको थियो ।