June 13, 2024

खैरहनीमा २९ जना कोरोनामुक्त

September 21, 2020

चितवन / चितवनको खैरहनीमा आइतबारसम्म २९ जनाले कोरोना जितेका छन् । कोरोना भाइरसको संक्रमण देखिए यता खैरहनीमा ९६ जनालाइ कोरोना पुष्टि भएकोमा २९ जना यो रोगबाट मुक्त भएका हुन् ।
नगरपालिका स्वास्थ्य शाखा प्रमुख अनुप अधिकारीका अनुसार अहिले ६५ जनामा कोरोना संक्रमण सक्रिय रहेको छ । कोरोना संक्रमण देखिएका २ जनाको मृत्यु भएको छ । उनिहरु दुबै जना महिला हुन् । मृत्यु हुनेमा खैरहनी–३ की १०८ वर्षीया वृद्धा र खैरहनी–१३ की ४९ वर्षीया महिला हुन् । खैरहनीमा अहिले होम आइसोलेसनमा ४८ जना, सामुदायिक आइसोलेसनमा ६ जना र अस्पताल आइसोलेसनमा ११ जना रहेका छन् ।
खैरहनी नगरपालिका प्रमुख लालमणि चौधरीले घरको वातावरण मिल्ने संक्रमितहरुलाइ होम क्वारेन्टिनमा बस्न प्रेरित गरिएको बताए । घरमै बस्ने सहज वातावरण नभएकाहरुलालाइ पूर्वीचितवनका चार वटा नगरपालिकाले रत्ननगर–५ मा स्थापना गरेको सामुदायिक आइसोलेसनमा राख्ने गरिएको प्रमुख चौधरीले बताए ।
संक्रमित मध्ये ५६ जना पुरुष र ४० जना महिला छन् । खैरहनीको वडा नम्बर ६ मा सबैभन्दा धेरै १८ जना र वडा नम्बर ५ र ११ मा २/२ जना संक्रमित भएका छन् । खैरहनीमा वडा नम्बर ५ मा जेठ २६ गते पहिलो संक्रमण पुष्टि भएको थियो ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -