चौबिसकोठीमा कविता वाचन गरेर विरोध कार्यक्रम

भरतपुर । फिमेल रुम नेपाल र ब्रदर्श फ्रम डिफ्रेन्ट मदर्शको संयुक्त आयोजनामा शान्तिपूर्ण विरोध कार्यक्रम सम्पन्न भएको छ । महिला हिंसा अन्त्य गर, एकजना बलात्कारीले सजाय पाउँदा हजारौं बाच्छन् भन्ने नारा तथा कविता वाचन गरेर भरतपुरको चौबीसकोठीमा शनिबार शान्तिपूर्ण विरोध कार्यक्रम सम्पन्न भएको हो ।
शान्तिपूर्ण विरोध कार्यक्रममा नारा तथा कविता वाचन दिउँसो १२ बजेदेखि २ बजेसम्म भएको आयोजक रचना सुवेदी र बिंसा शर्माले जानकारी दिए । शान्तिपूर्ण विरोध कार्यक्रममा दुई ग्रुपका २५ जना सहभागी थिए ।
त्यसैगरी हेटौँडामा सरकार देखाउ इच्छा खोई त ! महिलाको सुरक्षा ?, मलाई बाच्न मन छ मलाई बचाउ भन्दै फरक शैलीमा प्रदर्शन गरिएको छ ।
स्वतन्त्र युवा युवतीहरुको एक समुहले शनिबार बिहान हेटौँडा–४ बुद्धचोकमा कालो टिसर्ट, कालो पाइन्ट र कालो फेटा बाँधेर सरकार विरुद्ध सांकेतिक प्रदर्शन गरेका हुन् । शनिबार बिहान हेटौँडा–४ हुप्राचौर भेला भएका युवाहरुले बलात्कार र भष्टाचारको विरोधमा कालो टिसर्ट, कालो पाइन्ट र कालो फेटा बाधेर सांकेतिक प्रदर्शन गरेका हुन् ।
उनीहरुले ‘मलाई बाच्न मन छ मलाई बचाउ’, रातो कार्पेट र हेलीकप्टरमा मात्र हिड्छौकी महिलाको न्यायको लागि बोल्छौ?, कस्तो कानुन कस्तो सरकार ?’, कपडा छोटो की नजर खोटो’, सरकार देखाउ इच्छा खोई त ! महिलाको सुरक्षा ? जस्ता नारा लगाउँदै गीति शैलिमा प्लेकार्ड बोकेर कालो टिसर्ट, कालो पाइन्ट र कालो फेटा बाधेर सांकेतिक प्रदर्शन गरेका हुन ।
बुद्ध चोकमा शनिबार गरेको प्रदर्शन भने भिन्न शैलीको रहेको थियो । उनिहरुले सडक अवरुद्ध नगरी प्रदर्शन गरेका थिए ।