चितवनमा थप १२१ संक्रमित, भरतपुरकै ५८ जना

चितवन / भरतपुर कोभिड–१९ परीक्षण प्रयोगशाला र चितवन मेडिकल कलेजको कोभिड–१९ परीक्षण प्रयोगशालामा १२१ जनामा कोरोना भाइरस (कोभिड–१९) संक्रमण पुष्टि भएको छ । बुधबार गरिएको परीक्षणमा चितवनका ८० सहित १२१ जनामा कोरोना भाइरस (कोभिड–१९) पुष्टि भएको हो ।
प्रयोगशालाका अनुसार भरतपुरका २८ पुरुष र ३० महिला गरी ५८ जना, रत्ननगरका ६ पुरुष र ४ महिला गरी १० जना, खैरहनीका ४ पुरुष र १ महिला गरी ५ जना, राप्तीका ४ पुरुष, कालिकाका, इच्छाकामना र माडीका ३ महिला समेत ८० जना रहेका छन् ।
यस्तै अन्य संक्रमितहरुमा हेटौंडा, नवलपरासी, गोरखा, पाल्पा, गुल्मी, तनहुँलगायतका जिल्लाहरुका ४१ जना समेत गरी जम्मा १२१ रहेका छन् । संक्रमितहरु ६ देखि ६८ वर्षसम्मका रहेका छन् ।
भरतपुर अस्पताल, सिएमसी, पुरानो मेडकल कलेज, लुम्बिनी मेडिकल कलेज नेशनल सिटि अस्पताल र विभिन्न क्वारेन्टिनबाट संकलन गरिएका ६१५ नमुनाको परिक्षणमा ४९४ को नतिजा भने नेगेटिभ आएको हो ।