May 20, 2024

विश्वमा कोरोना संक्रमित साढे ४ करोड बढी, ३ करोड बढी संक्रमणमुक्त

October 30, 2020

काठमाडौं / विश्वमा हालसम्म कोरोना भाइरस सङ्क्रमितमध्ये ३ करोड २९ लाखभन्दा बढी संक्रमणमुक्त भएका छन् ।
चीनको वुहान सहरमा गत डिसेम्बर अन्यतिर देखा परेको कोरोना भाईरस संक्रमितमध्ये हालसम्म ३ करोड २९ लाख ९५ हजार १ सय ६२ जना संक्रमित कोरोनामुक्त भएका हुन् । यसैंगरी, कोरोना भाइरस संक्रमणबाट हालसम्म विश्वभरमा मृत्यु हुनेको संख्या ११ लाख ८६ हजार ३८१ पुगेको छ । त्यस्तै, कोरोना संक्रमितको कुल संख्या ४ करोड ५३ लाख ४६ हजार ३९७ पुगेको छ ।
संक्रमितमध्ये १ करोड ११ लाख ६४ हजार ८ सय भन्दाबढी विभिन्न अस्पतालमा उपचाररत छन् भने ८२ हजार ३ सय जनाको अवस्था गम्भीर रहेको वल्डोमिटरमा उल्लेख छ।
कोरोनाबाट सबैभन्दा बढी प्रभावित अमेरिकामा ९२ लाख १२ हजार ७ सय भन्दा बढी मानिस कोरोनाबाट संक्रमित भइसकेका छन् । संक्रमितमध्ये दुई दाख ३४ हजार बढीको मृत्यु भएको छ भने ५९ लाख ८३ हजार ३ सय भन्दा बढी निको भएका छन् ।
त्यसैगरी छिमेकी मुलुक भातरमा हालसम्म ८० लाख ८८ हजार ८ सय भन्दा बढी मानिस कोरोनाबाट संक्रमित भएका छन् । संक्रमितमध्ये एक लाख २१ हजार १ सय बढीको मृत्यु भइसकेको छ भने हालसम्म ७३ लाख ७३ हजार बढी निको भइसकेका छन् ।
ब्राजिलमा कोरोना भाइरसबाट सङ्क्रमित हुनेको संख्या ५४ लाख ९६ हजार नाघेको छ भने १ लाख ५९ हजार ३३ जनाको मृत्यु भएको छ । संक्रमितमध्ये ४९ लाख ५४ हजार भन्दा बढी निको भएका छन् ।

- ADVERTISEMENT -
- ADVERTISEMENT -
- ADVERTISEMENT -