चितवनका ३५ सहित ४४ जनामा कोरोना संक्रमण पुष्टि

चितवन । चितवनमा थप ४४ जनामा कोरोना भाइरस (कोभिड–१९) पुष्टि भएको छ । भरतपुर कोभिड–१९ परीक्षण प्रयोगशालामा थप ४४ जनामा कोरोना भाइरस (कोभिड–१९) संक्रमण पुष्टि भएको प्रयोगशाला प्रमुख डा नितु अधिकारीले जानकारी दिए ।
डा अधिकारीका अनुसार आइतबार गरिएको परीक्षणमा चितवनका ३५ सहित ४४ जनाको रिपोर्ट पोजेटिभ आएको हो । भरतपुरका ११ पुरुष र १५ महिला गरी २६ जना, रत्ननगरका २ पुरुष र १ महिला गरी ३ जना, खैरहनीका २ पुरुष, राप्तीका १ पुरुष र २ महिला गरी ३ जना र इच्छाकामनाका १ महिला समेत गरी ३५ जना रहेका छन् ।
यस्तै अन्य संक्रमित हुनेहरुमा गोरखा, धादिङ र नवलपरासीका ६ पुरुष र ३ महिला गरी ४९ जना रहेका छन् । संक्रमितहरु ११ महिना देखि ७२ बर्षसम्मका रहेका छन् । भरतपुर अस्पताल र गैंडाकोट क्वारेन्टिनबाट संकलन गरिएका १४९ नमुनाको परिक्षण गर्दा १०५ नमुनाको नतिजा नेगेटिभ आएको थियो भने ४४ जनाको रिपोर्ट पोजेटिभ आएको अस्पतालले आफ्नो रिपोर्टमा उल्लेख गरेको छ ।