चितवन जिल्ला बार एशोसियसनमा अधिकारीको नेतृत्व

चितवन / चितवन जिल्ला अदालत बार एशोसियसनको अध्यक्षमा रामकृष्ण अधिकारी विजयी भएको छ । बार एशोसियसनको २१ औं कार्यसमितिको निर्वाचनमा शुक्रबार अध्यक्ष पदका लागि अधिकारी विजयी भएको हो ।
अधिकारी प्रगतिशिल तथा पेसागत कानुनी व्यवसायी संगठन (पिएलए) प्यानलका तर्फबाट उम्मेदवारी दिएका थिए भने तीन पद बाहेक सबैमा पिएलए विजयी भएको छ ।
उक्त निर्वाचनमा १९० मत खसेको थियो भने बारमा कुल १९८ सदस्य रहेका छन । विजयी अधिकारी अध्यक्षमा पिएलएका अधिकारीले १०७ मत प्राप्त गरेका थिए भने उनका प्रतिद्वन्द्वी डिएलएका डा. हरिहर पोखरेलले ८० मत प्राप्त गरेका थिए ।
त्यसैगरी उपाध्यक्षमा भने डिएलएका मुन्ना विक्रम खाती ९७ मतले निर्वाचित हुनुभएका छन् । उनका प्रतिद्वन्द्वी पिएलएका उपाध्यक्ष रामचन्द्र देवकोटाले ८० मत प्राप्त गरे । उपाध्यक्ष, एक महिला सदस्य र एक पार्षदमा भने डिएलएका निर्वाचित भएका छन् ।
निर्वाचनमा सचिवमा विनोद मिश्र ९९ मत, कोषाध्यक्षमा बद्रीनाथ पण्डित ९८ मत , सहसचिवमा शोभा भट्टराईले १०६ मत सहित निर्वाचित हुनुभएका छन् । सदस्यहरुमा कुलचन्द्र खनाल १०० मत, जनकराम पौडेल ९८, रामनाथ घिमिरे ९१, कृष्णप्रसाद पन्त ९६, अजयकुमार तामाङ ९६, विकास गुरुङ १०४, सपि मिया ८२ र डिएलकी तृष्णा न्यौपाने १०१ मत सहित निर्वाचित भएका छन् ।
केन्द्रीय पार्षदमा टेकनाथ अधिकारी १०२ मत, शिवराम महतो ९७, नुनराज सिलवाल ११२, पासाङ लामा १००, वामदेव अधिकारी १०६, जीवनज्योति विश्वकर्मा ९१, नारायण गिरी ८९ र डिएलएका गोमा न्यौपाने भण्डारी ९१ मत प्राप्तगरी निर्वाचित भएका छन् ।