नेपालमा निको दोब्बर, थप ५१४७ संक्रमणमुक्त, संक्रमित २,९१८ जना

काठमाडौं / नेपालमा पछिल्लो २४ घण्टामा ५ हजार १४७ जना संक्रमणमुक्त भएका छन् । यससँगै देशमा कोरोना संक्रमणबाट मुक्त हुने दर ८७.८४ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
यस्तै थप २ हजार ९१८ जनामा कोरोना संक्रमण पुष्टि भएको छ । मन्त्रालयका अनुसार ९ हजार ४३८ जनाको पीसीआर परीक्षण गर्दा २ हजार ४९ जना र ५ हजार ३८१ जनाको एन्टिजेन परीक्षण गर्दा ८ सय ६९ जना गरि जम्मा २ हजार ९१८ जनामा कोरोना भाइरस संक्रमण पुष्टि भएको हो भने सक्रिय संक्रमितको दर १०.८६ रहेको छ ।
त्यस्तै कोरोना संक्रमणबाट ५३ जनाको मृत्यु भएको छ । योसँगै कोरोना भाइरसबाट मृत्यु हुनेको कुल संख्या ८ हजार ४६५ पुगेको छ ।