महानगरको नगरसभामा पत्रकारलाई समाचार संकलनमा रोक

चितवन / चितवनमा समाचार संकलनका लागि कार्यक्रमस्थल बाहिर पुगेका चितवन पोष्ट दैनिकका सम्वाददाता कुल काफ्लेलाई रोक लगाइएको छ । भरतपुर महानगरपालिकाको नवौं नगर सभामा समाचार संकलनका लागि कार्यक्रमस्थल पुगेका उनलाई रोक लगाइएको हो ।
चितवन पोष्ट दैनिकका सम्पादक प्रकाश अर्यालले आज बिहीबार नेपाल पत्रकार महासंघ चितवन शाखालाई ध्यानाकर्षण पत्र पठाई उक्त घटनाको भत्र्सना गरेका छन् ।
पत्रमा महानगरका प्रेस सल्लाहकार सुरेशचन्द्र अधिकारीले चितवन पोष्टका संवाददाता कुलप्रसाद काफ्लेलाई कार्यक्रम स्थल बाहिरबाटै फर्काइएको जनाइएको छ । पत्रमा अगाडि भनिएको छ, ‘स्वतन्त्र र निर्भिक पत्रकारिता विरुद्धमा जिम्मेवार व्यक्तिबाट भएको यस्तो कदमको हामी घोर भत्र्सना गर्दछौं ।’ पत्रमा यस सम्बन्धमा आवश्यक कारवाही गर्न महासंघलाई अनुरोध समेत गरिएको छ ।
महासंघलाई प्रेषित पत्रको बोधार्थ प्रेस चौतारी नेपाल चितवन, नेपाल प्रेस युनिनयन चितवन र प्रेस सेन्टर चितवनलाई दिइएको छ ।

- ADVERTISEMENT -