April 13, 2024

नारायणगढमा सुजुकीका दुई स्कुटर सार्वजनिक

August 1, 2021

चितवन / नारायणगढमा रहेको अटो ग्यालरीले सुजुकी कम्पनीका दुई वटा नयाँ स्कुटर सार्वजनिक गरेको छ । आइतबार बर्कमेन स्ट्रिट १२५ र एक्सिस १२५ बीएससिक्स सार्वजनिक गरेको हो । अटो मोबाइल एशोसियसनका अध्यक्ष अमृत जोशी र अटो ग्यालरीका प्रबन्ध निर्देशक सुधिर श्रेष्ठले संयुक्त रुपमा सार्वजनिक गरेका हुन् ।
करिब ३ वर्ष अघि नै आएको स्कुटरमा प्रविधि थप भई नयाँ मोडेलमा आएको अटो ग्यालरीका श्रेष्ठले जानकारी दिए । नयाँ प्रविधि सहितको स्कुटरले बजारमा राम्रो छाप छोड्ने अपेक्षा गरिएको छ ।


अर्का संचालक प्रितम श्रेष्ठका अनुसार बर्कमेन स्ट्रिट १२५ मा कम्बो ब्रेकिङ, डिजिटल मिटर, एलइडी हेडलाइट र फोन चार्जिङ सिस्टम जडान गरिएको छ भने एक्सिस १२५ बीएससिक्समा कम्बो ब्रेकिङ, एफआई मोडेल, किल स्वीच र क्रोम एलइडी हेडलाइट जडान गरिएको उनले बताए ।

दुबै मोडेलका स्कुटर ६४ लिटर प्रतिकिलोमिटर गुड्ने उनले दावी गरे । बर्कमेन स्ट्रिट १२५ मा कालो, सेतो, नीलो, रातो र खरानी कलरमा उपलब्ध छ भने एक्सिस १२५ बीएससिक्स कालो, नीलो, सेतो र खरानी कलरमा उपलब्ध छ ।

- ADVERTISEMENT -