ढुंगाले लागेर आमाछोरीको मृत्यु

रोल्पा / रोल्पामा भीरबाट खसेको ढुंगाले लागेर दुई जनाको मृत्यु भएको छ । ढुंगाले लागेर रोल्पा नगरपालिका–९ बस्ने २५ वर्षकी संगीता पुन र २ वर्षीया बालिका कृतिका पुनको मृत्यु भएको हो । मृतक दुई जना आमाछोरी रहेको जिल्ला प्रहरी कार्यालय रोल्पाले जनाएको छ ।
प्रहरीका अनुसार, सोही ठाउँको हाङ्वाङ भीरबाट खसेको ढुंगाले लागेर आमाछोरीको मृत्यु भएको हो । रोल्पामै भीरबाट लड्दा रोल्पा नगरपालिका–३ खुमेलका ४२ वर्षका तीर्थलाल थापाको पनि मृत्यु भएको जनाइएको छ ।