राक्सिराङका दुई बिरामीलाई आर्थिक सहयोग

मकवानपुर / मकवानपुरको राक्सिराङ गाउँपालिका वडा नम्बर ६ का दुई बिरामीलाई सहयोग गरिएको छ । सोही वडाका कांग्रेस सभापति राजकुमार प्रजाको पहलमा पदमबहादुर थिङ र चिनीमाया मोक्तानलाई सो सहयोग प्राप्त भएको हो ।
सभापति प्रजाको पहलमा थीङलाई रु. १६ हजार रुपैयाँ र चिनिमायां मुक्तानलाई रु. ३० हजार रुपैयाँ रकम सहयोग रकम मंगलबार हस्तान्तरण गरिएको हो । सभापति प्रजा र सचिव राजकुमारले उनीहरुलाई भेटेरै रकम हस्तान्तरण गरेका हुन् ।
गत कार्तिक २८ गते थीङलाई आफ्नै सिलिङ्गेस्थित घरको ढोकाको डिलमा लडेर टाउकोमा गम्भीर चोट लागेको थियो । हाल पुरानो मेडिकल कलेजको भेन्टिलेटरमा राखी उपचार भइरहेको छ । थीङको अवस्था नाजुक भएकाले उनका छोराले सहयोग लागि सबैलाई आग्रह गरेका छन् ।
यसैगरी अर्का बिरामी सिलिङ्गेकै चिनिमायां मोक्तानको अवस्था पनि गम्भीर रहेको छ । उनको फोक्सोमा गम्भीर समस्या आएपछि हाल काठमाडौमा उपचारत छन् ।