चरम गुटबन्दीले निष्ठावान कार्यकर्ताको मन दुखाएको आरोप

बबिलाल तामाङ

प्रकाशित मिति : २०७८ मंसिर १७ गते

चितवन / नेपाली कांग्रेस शुद्धिकरण अभियान समूह चितवनले हालै सम्पन्न नेपाली कांग्रेसको १४औं महाधिवेशनमा भएको चरम गुटबन्दीले निष्ठावान कार्यकर्ताको मन दुखाएको आरोप लगाएका छन् ।
सवल र सक्षम कार्यकर्ता निर्वाचित भई पार्टी दरिलो होस् भन्ने चाहना विपरित भएको समूहका सूर्यप्रसाद श्रेष्ठले सामाजिक संजालमार्फत विज्ञप्ति जारी असन्तुष्टि व्यक्त गरेका हुन् ।
विज्ञप्तिमा भनिएको छ,– ‘उमेदवारहरुलाई मुचुल्कामा सही नगराई मतगणना स्थलमा जान रोक लगाउने जस्ता अनियमित कार्य गरेको छ ।’, ‘पार्टीलाई शुद्धिकरण गर्ने उद्देश्यले नेपाली कांगे्रस कार्यकर्ताहरुको बृहत् भेलाले निष्कर्ष सहितको निर्णय गरेको जानकारी गराउँदछौं ।’
भेलाको निष्कर्षले ५ बुँदे निर्णय गरिएको समूहका श्रेष्ठले न्यूजप्रवाह डटकमलाई जानकारी दिए । अब हुने निर्वाचनमा खबरदारी गर्ने र शुद्धिकरणलाई विशेष जोड दिने उनले भने । (विज्ञप्तिमा ५ बुँदे निर्णय उल्लेख गरिएको छ ।)