बेलायतमा एकैदिन १ लाख ३० हजारमा कोरोना संक्रमण

काठमाडौं / बेलायतमा एकैदिन ठूलो संख्यामा कोभिड संक्रमित थपिएका छन् । पछिल्लो २४ घण्टामा एकैदिन एक लाख ३० हजारमा कोरोना संक्रमण पुष्टि भएको हो । यो संख्या बेलायतमा कोभिड देखिएपछि अहिलेसम्मकै उच्च संख्या हो ।
कोभिडको नयाँ भेरियन्ट ओमिक्रोनका कारण बेलायतमा संक्रमितको संख्या दिनहुँ बढिरहेका छन् । बेलायतमा हालसम्म कोभिडबाट १ लाख ४८ हजारभन्दा बढीको मृत्यु भइसकेको थियो । पछिल्लो एक सातामा मात्र बेलायतमा संक्रमण दर ४८ प्रतिशतले बढेको छ ।