मोटरसाइकलको ठक्करबाट ६ वर्षीय बालकको मृत्यु

नवलपरासी / पश्चिम नवलपरासीको रामग्राम नगरपालिका–११ स्थित रानीपाकडमा मोटरसाइकलको ठक्करबाट एक जना बालकको मृत्यु भएको छ । लु १९ प १८७१ नम्बरको मोटरसाइकलले ठक्कर दिँदा ६ वर्षीय बालक निमराज चौधरीको मृत्यु भएको प्रहरीले जनाएको छ ।
भैहरवा–भूमही सडक खण्डमा सो मोटरसाइकल उत्तरबाट दक्षिणतर्फ जाँदै गरेको थियो । दुर्घटनामा गम्भिर घाइते भएका चौधरीको उपचारको क्रममा भैरहवा मेडिकल कलेजमा मृत्यु भएको हो । मोटरसाइकल चालक रामग्राम नगरपालिका–१० बस्ने २७ वर्षीय नरेन्द्र चौधरीलाई प्रहरीले पक्राउ गरेको छ ।