बाँके / बाँकेमा टिपरको ठक्करबाट एक पैदलयात्रीको मृत्यु भएको छ । कोहलपुरबाट नेपालगञ्जतर्फ जाँदै गरेको भे १ क ६५६ नम्वरको टिपरले ठक्कर दिँदा आज मंगलबार एक जनाको मृत्यु भएको हो ।
मृत्यु हुनेमा नेपालगञ्ज उपमहानगरपालिका–२० राँझा चोकमा ठक्कर दिँदा स्थानीयवासी ७० वर्षीय वीरबल भण्डारी रहेको जिल्ला प्रहरी कार्यालय, बाँकेले जनाएको छ ।
टिपरको ठक्करबाट भण्डारी गम्भीर घाइते भएका थिए । घाइते भण्डारीलाई अस्पताल पुर्याएलगत्तै चिकित्सकले मृत घोषणा गरेको प्रहरीले जनाएको छ । ठक्कर दिइने टिप्पर र चालकलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।