चुनावी जित भएको ठाउँमा कक्षा १२ सम्म निःशुल्क शिक्षा : अध्यक्ष लिङ्देन

चितवन / राष्ट्रिय प्रजातन्त्र पार्टीका केन्द्रीय अध्यक्ष राजेन्द्र लिङ्देनले कक्षा १२ सम्म निःशुल्क शिक्षा प्रदान गर्ने बताए । अध्यक्ष लिङदेनले भरतपुर विमानस्थलमा पत्रकाहरुसँगको भलाकुसारीमा कक्षा १२ सम्म निःशुल्क शिक्षा प्रदान गर्ने बताएको हो ।
आगामी चुनाव आफ्नो पार्टीले जितेको सबै स्थानमा निःशुल्क शिक्षा प्रदान गर्ने उनले भने । शिक्षासहित सुशासन, भ्रष्टाचारमुक्त समाज निर्माण गर्ने बताउंदै आशन्न चुनावमा कुनैपनि दलसँग गठबन्धन नगर्ने र एक्लै चुनावमा जाने उनको भनाइ थियो ।
उनले राप्रपा नयाँ दृष्टिकोणबाट अगाडि बढेको र देशमा नयाँ ध्रुवीकरण पैदा गरेको बताए । राजनीतिलाई पेशा, व्यवसाय मान्ने, ओढ्ने ओेछ्याउने बनाउने, राजनीतिलाई भान्सा ट्वाइलेट मान्नेहरु एक समुह भएको र अर्काेतर्फ राजनीतिलाई सेवाको माध्यम मान्ने अर्काेतर्फ भएको जिकिर गरे ।
देशलाई माया गर्नेहरु राप्रपा प्रवेशको लहर चलेकोले राजनीतिलाई पेशा व्यवसाय मान्नेहरु मात्रै राप्रपा छाडेको उनले बताए । लिङ्देन राप्रपा चितवनले शुक्रबार आयोजना गरेको विशाल आमसभामा सम्बोधन गर्न आएका हुन् ।