चितवनमा गोरुको मासु र खुट्टासहित तीन पक्राउ

चितवन / गोरुको मासु र खुट्टासहित तीन जना पक्राउ परेका छन् । प्रहरी चौकी जुगेडी चितवनबाट खटिएको प्रहरी टोलीले मुग्लिङबाट नारायणगढ आउने क्रममा ना२ह ३९६९ नम्बरको अटोलाई रोकी चेकजाँच गर्ने क्रममा बिहीबार उनीहरुलाई पक्राउ गरेको हो ।
चितवन प्रहरी प्रवक्ता नरहरि अधिकारीका अनुसार पक्राउ पर्नेमा अटोका चालक धादिङ रुवीभ्याली गाउँपालिका वडा नं–५ का २८ वर्षीय शंकर तामाङ, अटोमा सवार भरतपुर महानगरपालिका वडा नं–१० निवासी ४५ वर्षीय प्रतिक ठकुरी र कास्कीको पोखरा महानगरपालिका वडा नं–११ का ३५ वर्षीय होम घिमिरे हुन् ।
उनीहरुविरुद्ध पशुपक्षीसम्बन्धी कसुरमा चितवन जिल्ला अदालतबाट म्याद अनुमति लिई थप अनुसन्धान भइरहेको प्रहरीले जनाएको छ ।