चितवन लगायत देशैभर भारी वर्षा, जनजीवन अस्तव्यस्त

काठमाडौँ / चितवन लगायत देशका विभिन्न ठाउँमा केही दिन यतादेखि वर्षा जारी छ । वर्षाका कारण जनजीवन अस्तव्यस्त बन्दै गएको छ । ठाउँठाउँमा बाढी पहिरो जाने क्रम पनि उस्तै छ ।
देशको अधिकांश भू–भागमा सामान्य बदली रही प्रदेश १ र बागमती प्रदेशका केही स्थानहरूमा र बाँकी प्रदेशका केही स्थानहरुमा मेघ गर्जन÷चट्याङ्सहित हल्कादेखि मध्यम वर्षा जारी छ ।
मौसम पूर्वानुमान महाशाखाका अनुसार आज दिउँसो देशभर सामान्यदेखि पूर्ण बदली रहनेछ । देशका धेरै स्थानहरूमा मेघ गर्जन÷चट्याङ्सहित हल्कादेखि मध्यम वर्षाको सम्भावना रहेको अनुमान गरिएको छ । प्रदेश १, मधेश, बागमती, गण्डकी र सुदुर पश्चिम प्रदेशका थोरै स्थानहरुमा भारी वर्षाको सम्भावना रहेको महाशाखाले जनाएको छ ।
त्यस्तै, मंगलबार देशका धेरै स्थानहरूमा मेघ गर्जन÷चट्याङ्सहित वर्षाको सम्भावना रहेको छ भने प्रदेश १, बागमती प्रदेश, गण्डकी प्रदेश र लुम्बिनी र सुदूर पश्चिम प्रदेशका थोरै स्थानहरुमा भारी वर्षाको सम्भावना रहेको महाशाखाले जनाएको छ ।