गैंडाकोटकी सुन्तलीलाई साढे दुई लाख बढीको सहयोग

गैडाकोट / गैंडाकोट निवासी सुन्तली चौधरीलाई रु २ लाख ५४ हजार १ सय ७५ रुपैयाँ आर्थिक सहयोग प्राप्त भएको छ । क्यान्सरको उपचार गराईराख्नुभएकी चौधरीलाई लायन्स क्लब ईन्टरनेशनल डिष्ट्रिक ३२५ आरका डिष्ट्रिक गर्भनर सिद्धार्थलाल चुकेले शुक्रबार उनकै निवासमा सो रकम हस्तान्तरण गरेको हो । चौधरी लायन्स क्लबको सदस्य पनि हुन् ।
गर्भनर चुकेले लायन्स क्लब आफ्ना सदस्यहरुको सुख र दुःखमा सँगै भएको बताए । डिष्ट्रिक सचिव राजेन्द्र गौतमले रकमले आर्थिक भन्दा पनि लायन साथीहरुसँगै छन् भन्ने मनोबैज्ञानिक साहश प्रदान गर्ने बताए ।
चौधरीको गत चैत्र महिनामा भारतको एपोलो अस्पतालमा शल्यक्रिया गरिएको थियो । उनी थप उपचारका लागि असोजमा अस्पताल जानुपर्ने बताइएको छ । उक्त रकम लायन्स क्लबका सदस्यहरुले संकलन गरेका हुन् ।