स्रोत नखुलेको साढे २४ लाख बरामद

रुपन्देही / रुपन्देहीमा स्रोत नखुलेको २४ लाख ५० हजार रुपैयाँ बरामद गरिएको छ । उक्त रकमको स्रोतको बैधता नदेखिएकोले बरामद गरिएको जिल्ला प्रहरी कार्यालय रुपन्देहीले जनाएको छ ।
रुपन्देहीका प्रहरी उपरिक्षक रविन्द्र रेग्मीले स्रोत नखुलेको सो रकमको विषयमा अनुसन्धान भइरहेको बताए । उक्त रकम आइतबार राति बेलहिया बाइपासबाट बरामद भएको थियो ।
रुपन्देहीमा पछिल्लो समय यसरी रकम बरामद हुने क्रम बढेर गएको छ । केही समय पहिले प्रहरीले १२ लाख बरामद गरेको थियो ।