रास्वपाको कार्यबाहक सभापतिमा डोलप्रसाद अर्याल

काठमाडौं / राष्ट्रिय स्वतन्त्र पार्टी (रास्वपा)ले कार्यबाहक सभापति र संसदीय दलको नेतामा डोलप्रसाद अर्याललाई चयन गरेको छ । शुक्रबार सर्वोच्च अदालतले अमेरिकाको नागरिकता त्यागेपछि नेपालको कानुनबमोजिम नागरिकता पुनः प्राप्तिको प्रक्रिया पूरा नगरेको फैसला गरेपछि बसेको बैठकले अर्याललाई चयन गरेको हो ।
सर्वोच्चले उपप्रधान तथा गृहमन्त्री लामिछानेको नागरिकता अवैध ठहर गर्दै सांसद पद खारेज गरेको हो । नेपाली नागरिक नै नभएपछि लामिछानेले मन्त्री र पार्टी सभापति पद पनि गुमाएका हुन् ।