व्यवसायी प्रसाईँको अभियान नारायणी नदी किनारमा

चितवन / नारायणी नदी किनारमा व्यवसायी दुर्गा प्रसाईंको अभियान सुरु भएको छ । नदी किनारमा ‘राष्ट्र, राष्ट्रियता, धर्म, संस्कृति तथा नागरिक बचाउ महाअभियान नेपाल’ले आज (शनिबार) आमसभा गरेको हो ।
व्यवसायी प्रसाईंले यसअघि नेकपा माओवादी केन्द्र, नेकपा एमाले हुँदै महाअभियान घोषणा गरेका थिए । महाअभियानले वित्तीय संस्थाबाट आजित जनताको न्यायका लागि महाअभियान घोषणा गरेर त्यसलाई देशव्यापी कार्यक्रम बनाउन खोजेको जनाएको छ ।
महाअभियानका सचिवालय संयोजक मेघराज पौडेलले सावाँ र व्याजको चक्र वृद्धि भई ऋणीले जीवनभर ऋण तिर्न नसक्ने अवस्थामा बैंक तथा वित्तीय संस्थाले पेलिरहेको हुँदा त्यसको अन्त्यका लागि अभियान सार्थक रहने बताए ।
महाअभियानलाई सुदूरपश्चिमको कञ्चनपुर पु¥याएर टुङ्ग्याउने कार्यक्रम रहेको छ भने पूर्वबाट सुरू भएको हो । कार्यक्रममा चितवनका विभिन्न ठाउँबाट नागरिकहरु सभास्थलमा पुगेका थिए ।