चितवनको छेच्यु थर्पलिङ गुम्बामा दिलमाया र गंगालाल सम्मानित

चितवन / भरतपुर ११, भोजाड स्थित छेच्यु थर्पलिङ गुम्बामा दुई जनालाई संस्थागत सम्मान गरिएको छ । सम्मान प्राप्त हुनेहरुमा संस्थाका संस्थापक अध्यक्ष दिलमाया लामा र निवर्तमान अध्यक्ष गंगा लामा हुन् । लामाद्वयलाई भरतपुर नगर तामाङ समाजले बाह्रौं साधारण सभा तथा चौथों अधिवेशनको अवसर पारेर शनिबार सम्मान गरिएको हो ।
तामाङ पत्रकार संघ जिल्ला शाखा चितवनका अध्यक्ष तथा कार्यक्रमका प्रमुख अतिथि बबिलाल तामाङ र समाजका अध्यक्ष पासाङ तामाङले संयुक्त रुपमा सम्मान गरेका हुन् । उनीहरुलाई खादा र सम्मान पत्रद्वारा सम्मान गरिएको हो । संस्था स्थापनाकालदेखि निरन्तर र महत्वपूर्ण योगदान पु¥याएको, संस्थाको गरिमा उच्च राख्न अमूल्य सहयोग प्रदान गर्नु भएकोले उच्च मूल्याकंनसहित सम्मान गरिएको समाजका अध्यक्ष पासाङ तामाङले बताइन् ।
भरतपुर नगर तामाङ समाज वि.सं. २०६७ सालमा स्थापना भएको हो वर्षेनी सोही गुम्बामा तामाङ समुदायको सबैभन्दा ठूलो पर्व सोनाम ल्होछार वृहत रुपमा मनाउँदै पनि आएको छ ।
समाजमा वडा नं. २,३,१०,११ र १२ गरी २३५ घरधुरी तामाङ समुदाय छन् । पाँच वटा वडाका घरधुरी आवद्ध यो संस्था चितवनकै ठूलो संस्था भएको बताइएको छ । तामाङ समुदायको हकहित, धर्म, संस्कृति, भाषा, रितिरिवाज जगेर्ना गर्ने उद्देश्यले यो संस्थाको उदय भएको हो ।